اسلام آباد (اسٹاف رپورٹر) وفاقی وزیر ریلوے نے کالا شاہ کاکو کے قریب اسلام آباد ایکسپریس ٹرین کے پٹڑی سے اترنے کے واقعے کا سختی سے نوٹس لیتے ہوئے چیف ایگزیکٹو آفیسر ریلوے اور ڈی ایس ریلوے کو فوری طور پر جائے حادثہ پر پہنچنے کی ہدایت جاری کر دی ہے۔
سول لائنز پولیس کی کامیاب کارروائی، نامزد I.R منشیات فروش گرفتار، 505 گرام چرس برآمد
وزیر ریلوے نے ریلوے ریسکیو عملے کو امدادی کارروائیاں تیز کرنے، اور طبی عملے کو فوری طور پر موقع پر پہنچنے کی بھی ہدایت کی، تاکہ کسی بھی ممکنہ زخمی کو بروقت طبی امداد فراہم کی جا سکے۔
انہوں نے واقعے کی مکمل انکوائری کا حکم دیتے ہوئے سات روز کے اندر تفصیلی رپورٹ پیش کرنے کی ہدایت جاری کی ہے۔
وزارت ریلوے کے مطابق، جائے حادثہ پر ریلوے افسران اور امدادی ٹیمیں پہنچ چکی ہیں، اور بحالی کا کام جاری ہے۔