ترجمان حکومت بلوچستان شاہد رند کے مطابق مستونگ میں قومی شاہراہ پر نامعلوم افراد کی فائرنگ سے بلوچستان کانسٹیبلری کا ایک اہلکار شہید جبکہ دو اہلکار زخمی ہو گئے۔
اوچ شریف شرط پر نہر پار کرنے کی کوشش میں بزرگ شہری ڈوب کر جاں بحق ویڈیو وائرل
واقعہ جمعے کے روز اس وقت پیش آیا جب حملہ آوروں نے قائم مقام ڈی ایس پی کی گاڑی کو نشانہ بنایا۔ فائرنگ کے نتیجے میں ایک اہلکار موقع پر شہید ہوا جبکہ دو زخمی اہلکاروں کو فوری طبی امداد کے لیے قریبی اسپتال منتقل کر دیا گیا۔
شاہد رند نے بتایا کہ ابتدائی تحقیقات کے مطابق حملہ منظم نوعیت کا تھا اور سیکیورٹی فورسز نے جائے وقوعہ پر پہنچ کر علاقے کو گھیرے میں لے لیا ہے۔ شاہراہ کی ناکہ بندی کر کے حملہ آوروں کی تلاش کا عمل شروع کر دیا گیا ہے۔
ترجمان کے مطابق زخمی اہلکاروں کی حالت خطرے سے باہر بتائی جا رہی ہے، جبکہ حملہ آوروں کی گرفتاری کے لیے سرچ آپریشن جاری ہے۔