مائی کلاچی میں فائرنگ سے شہید ٹریفک کانسٹیبل زین کی نماز جنازہ ادا، پولیس افسران کی شرکت

کراچی (اسٹاف رپورٹر) گزشتہ شب مائی کلاچی پھاٹک کے قریب نامعلوم ملزمان کی فائرنگ سے شہید ہونے والے ٹریفک پولیس کانسٹیبل زین کی نمازِ جنازہ سینٹرل پولیس آفس (CPO) میں ادا کی گئی۔
نمازِ جنازہ میں ایڈیشنل آئی جی کراچی جاوید عالم اوڈھو، ڈی آئی جی ٹریفک سمیت دیگر اعلیٰ پولیس افسران، شہید کے اہلِ خانہ اور ساتھیوں نے شرکت کی۔

شاہ لطیف پولیس کی کامیاب کارروائی، موٹر سائیکل چوری میں ملوث ملزم گرفتار

پولیس کے چاق و چوبند دستے نے شہید کو سلامی پیش کی اور پھولوں کی چادر چڑھائی گئی۔
اس موقع پر ایڈیشنل آئی جی جاوید عالم اوڈھو نے شہید کانسٹیبل زین کے اہل خانہ سے اظہارِ تعزیت کیا اور ان کی پولیس سروس کے جذبے کو خراجِ عقیدت پیش کیا۔ انہوں نے محکمہ پولیس کی جانب سے شہید کے اہلِ خانہ کو ہر ممکن تعاون فراہم کرنے کی یقین دہانی بھی کرائی۔