پاکستان کوسٹ گارڈز نے اپنی مؤثر کارروائیوں کے دوران بلوچستان کے سرحدی علاقوں سے 132 غیر قانونی تارکین وطن کو گرفتار کر لیا۔ یہ افراد بغیر کسی قانونی دستاویزات کے غیر قانونی طریقے سے ایران سے پاکستان اور پاکستان سے ایران سفر کر رہے تھے۔
کراچی میں منشیات کے خلاف بڑا کریک ڈاؤن، 60 کلوگرام چرس برآمد
ابتدائی تفتیش کے بعد تمام گرفتار افراد کو مزید قانونی کارروائی کے لیے ایف آئی اے حکام کے حوالے کر دیا گیا ہے۔ پاکستان کوسٹ گارڈز نے اس عزم کا اعادہ کیا ہے کہ ملک کو انسانی اسمگلنگ جیسے سنگین مسئلے سے پاک کرنے کے لیے ایسی کارروائیاں مسلسل جاری رکھی جائیں گی، اور اس مقصد کے لیے تمام دستیاب وسائل بروئے کار لائے جائیں گے۔
