اسلام آباد: اینٹی نارکوٹکس فورس (اے این ایف) نے ملک کے مختلف شہروں اور تعلیمی اداروں میں منشیات اسمگلنگ کے خلاف کامیاب کریک ڈاؤن کرتے ہوئے 8 کارروائیوں میں 10 ملزمان کو گرفتار کرلیا۔ ان کارروائیوں کے دوران مجموعی طور پر 61.488 کلوگرام منشیات برآمد کی گئیں، جن کی مالیت تقریباً 45 لاکھ روپے سے زائد ہے۔
حیدرآباد: ملنگ کا بھیس بدل کر موٹر سائیکل چوری کرنے والا ملزم بی سیکشن پولیس کے ہاتھوں گرفتار
تعلیمی اداروں میں کارروائی:
راولپنڈی جی ٹی روڈ پر بس اڈے کے قریب ایک ملزم سے 500 گرام چرس برآمد کی گئی، جس نے تفتیش کے دوران اعتراف کیا کہ وہ تعلیمی اداروں کے طلباء کو منشیات فراہم کرتا تھا۔
دیگر بڑی کارروائیاں:
اسلام آباد انٹرنیشنل ایئرپورٹ: سعودیہ جانے والے مسافر کے بیگ سے 2.382 کلوگرام آئس اور دبئی جانے والے مسافر کے جوتوں سے 312 گرام چرس برآمد۔
لاہور ایئرپورٹ: جدہ جانے والی خاتون سمیت ایک مسافر کے پیٹ سے 100 ہیروئن بھرے کیپسولز برآمد کیے گئے۔
کراچی: کوریئر آفس سے مالدیپ بھیجے جانے والے پارسل میں 94 گرام ہیروئن پکڑی گئی۔
گجرات: ریلوے پھاٹک کے قریب کار اور موٹر سائیکل سے 36 کلوگرام چرس برآمد، 3 ملزمان گرفتار۔
پشاور: جی ٹی روڈ پر لاوارث موٹر سائیکل سے 15.6 کلوگرام چرس برآمد۔
اٹک: اقبال شہید ٹول پلازہ کے قریب دو خواتین کے قبضے سے 6 کلوگرام چرس برآمد۔
ترجمان اے این ایف کے مطابق تمام گرفتار ملزمان کے خلاف انسدادِ منشیات ایکٹ کے تحت مقدمات درج کر کے مزید تحقیقات شروع کر دی گئی ہیں۔
