گورنر سندھ کامران خان ٹیسوری نے کراچی میں ڈمپر اور ہیوی ٹریفک حادثات پر تشویش کا اظہار کرتے ہوئے متاثرہ خاندانوں کو رہائشی پلاٹ دینے کا اعلان کیا۔ انہوں نے کہا کہ اگر ان کے پاس اختیارات ہوتے تو ایسے واقعات کی روک تھام یقینی بناتے۔
خضدار میں گاڑی پر فائرنگ، جے یو آئی بلوچستان کے 2 رہنما جاں بحق، 2 زخمی
پریس کانفرنس میں انہوں نے بتایا کہ وزیراعلیٰ سندھ کو ہیوی ٹریفک حادثات کی تحقیقات کے لیے کمیشن بنانے کا کہا تھا لیکن کوئی جواب نہیں ملا۔ گورنر نے ڈی آئی جی ٹریفک کو ہدایت دی کہ فوری اقدامات کریں، بصورت دیگر وہ خود مداخلت کریں گے۔
انہوں نے منشیات کے خلاف بھی سخت موقف اپناتے ہوئے گورنر ہاؤس میں شکایت سیل کے قیام کا اعلان کیا اور والدین کو بچوں پر کڑی نظر رکھنے کی تاکید کی۔ تعلیمی اداروں میں منشیات ٹیسٹ متعارف کرانے کا ارادہ بھی ظاہر کیا۔
مزید برآں، بے گھر افراد کو قرعہ اندازی کے ذریعے پلاٹ الاٹ کرنے، اور رمضان میں گورنر ہاؤس میں افطار و تراویح کے بڑے اجتماعات منعقد کرنے کا بھی اعلان کیا۔ انہوں نے واضح کیا کہ ان فلاحی منصوبوں میں کوئی عوامی فنڈ شامل نہیں، بلکہ یہ ذاتی عطیات اور دوستوں کی مدد سے چلائے جا رہے ہیں۔