اینٹی نارکوٹکس فورس (اے این ایف) نے تعلیمی اداروں اور مختلف شہروں میں منشیات اسمگلنگ کے خلاف بڑے پیمانے پر کریک ڈاؤن کیا ہے جس کے دوران 6 مختلف کارروائیوں میں 11 ملزمان کو گرفتار کیا گیا۔
وزیر تعلیم سندھ کی ہدایت پر محکمہ اسکول ایجوکیشن کے ترقیاتی کاموں میں بے پناہ تیزی
ان کارروائیوں کے دوران 2 کروڑ 48 لاکھ روپے سے زائد مالیت کی 88.03 کلو گرام منشیات برآمد کی گئیں۔
تعلیمی اداروں میں کارروائیاں
جامشورو میں یونیورسٹی کے قریب ایک ملزم کے قبضے سے 5 کلو افیون برآمد کی گئی۔ گرفتار ملزم نے اعتراف کیا کہ وہ تعلیمی اداروں کے طلباء کو منشیات فروخت کرتا تھا۔
دیگر اہم کارروائیاں
جوہر ٹاؤن لاہور میں ایک کارروائی کے دوران 3 گاڑیوں اور ایک گھر سے 30 کلو افیون اور 18 کلو چرس برآمد کی گئی۔ اس کارروائی میں 5 ملزمان کو گرفتار کیا گیا۔
کاک پل ایکسپریس وے اسلام آباد کے قریب ایک گاڑی میں چھپائی گئی 15.6 کلو چرس برآمد کی گئی اور ملزم کو گرفتار کیا گیا۔
رنگ روڈ پشاور پر موٹر وے پل کے قریب ایک گاڑی سے 12 کلو چرس برآمد کی گئی اور 2 ملزمان کو گرفتار کیا گیا۔
ایم ون موٹر وے اسلام آباد کے قریب گاڑی کے خفیہ خانوں سے 6 کلو ہیروئن برآمد ہوئی اور ملزم کو گرفتار کیا گیا۔
ایم ون موٹر وے اسلام آباد کے قریب مسافر بس میں سوار ایک ملزم سے 1 کلو ہیروئن اور 430 گرام آئس برآمد کی گئی اور ملزم کو گرفتار کیا گیا۔
گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
