آج یوم یکجہتی کشمیر کے موقع پر پاکستان سمیت دنیا بھر میں کشمیری عوام کے ساتھ اظہار یکجہتی کیا جا رہا ہے۔ وزیر داخلہ سندھ ضیاء الحسن لبجار نے اس دن کی اہمیت کو اجاگر کرتے ہوئے کہا کہ اس دن کو منانے کا مقصد کشمیری عوام کے ساتھ اظہار یکجہتی کرنا اور مقبوضہ کشمیر میں ان کی آزادی کی جدوجہد میں ان کی قربانیوں کو یاد کرنا ہے۔
سیالکوٹ ائرپورٹ پر انسانی اسمگلنگ میں ملوث ملزم گرفتار، تمام ائرپورٹس پر سخت اسکریننگ
انہوں نے کہا کہ یوم یکجہتی کشمیر کے موقع پر پاکستان پیپلز پارٹی سمیت دیگر تمام سیاسی اور مذہبی جماعتیں کشمیریوں کے ساتھ مکمل یکجہتی کا اظہار کرتی ہیں۔ اس دن کے موقع پر خصوصی طور پر انسانی ہاتھوں کی زنجیریں بنائی جاتی ہیں تاکہ دنیا بھر کو کشمیر کی آزادی کی تحریک اور کشمیری عوام کی حمایت کا پیغام دیا جا سکے۔
وزیر داخلہ سندھ نے مزید کہا کہ ہم کشمیری شہداء کو خراج عقیدت پیش کرتے ہیں اور ان کی قربانیوں کو سراہتے ہوئے آزادی کی جدوجہد میں ان کے کردار کو ہمیشہ یاد رکھتے ہیں۔ "ہم اپنے کشمیری بھائیوں کی حمایت میں ہمیشہ ایک صف میں ہیں اور ان کی آزادی کے حق میں آواز اٹھاتے رہیں گے۔”
وزیر داخلہ سندھ نے صوبائی پولیس کو ہدایت دی کہ کشمیر ڈے کے حوالے سے ہونے والی مختلف تقریبات، ریلیوں اور جلسوں کی سیکیورٹی کو انتہائی سخت اور مربوط بنایا جائے تاکہ اس دن کی اہمیت کے مطابق کشمیریوں کے ساتھ بھرپور یکجہتی کا اظہار کیا جا سکے۔