وفاقی حکومت نے 5 فروری کو یوم کشمیر کے موقع پر ملک بھر میں عام تعطیل کا اعلان کر دیا۔ کیبنٹ ڈویژن کی جانب سے باقاعدہ نوٹیفکیشن جاری کیا گیا ہے، جس کے مطابق تمام سرکاری دفاتر، مالیاتی ادارے، عدالتیں، اور اسکول بدھ کے روز بند رہیں گے۔
عمران خان کا آرمی چیف کو خط موصول نہیں ہوا” سیکیورٹی ذرائع کا بیان
یوم یکجہتی کشمیر:
پانچ فروری کو کشمیری عوام سے اظہار یکجہتی کے لئے ملک بھر میں تقریبات اور ریلیاں منعقد کی جاتی ہیں۔ یہ دن کشمیری عوام کی تحریک آزادی کی حمایت کے طور پر منایا جاتا ہے۔
سندھ حکومت کا نوٹیفکیشن:
اس سے قبل سندھ حکومت نے بھی 5 فروری کو عام تعطیل کا اعلان کیا تھا، جس کی وجہ سے صوبے میں تمام سرکاری و نجی ادارے بند رہیں گے۔
مالیاتی ادارے بند:
اسٹیٹ بینک آف پاکستان، بینکنگ سروسز آف پاکستان، اور تمام شیڈولڈ بینک عام تعطیل کے باعث بند رہیں گے۔ مالیاتی اداروں میں کسی قسم کی لین دین یا کاروباری سرگرمیاں انجام نہیں دی جائیں گی۔ اسٹیٹ بینک نے اس حوالے سے باضابطہ سرکلر بھی جاری کر دیا ہے۔
