کراچی (تشکر نیوز): ضلع کیماڑی کے اینٹی اسٹریٹ کرائم سیل نے پرانا گولیمار میں منشیات کے اڈے پر چھاپہ مارا۔ پولیس کی کارروائی کے دوران ملزمان نے مزاحمت کرتے ہوئے پولیس پارٹی پر فائرنگ کر دی، تاہم جوابی کارروائی میں ایک زخمی ملزم سمیت دو افراد کو گرفتار کر لیا گیا۔
فوجی عدالتوں نے سانحہ 9 مئی میں ملوث 25 مجرمان کو سزائیں سنادی
گرفتار ملزمان اور برآمدگی:
گرفتار افراد:
ارشد ولد محمود (زخمی)
ارشاد ولد عبدالغفور
برآمد اشیاء:
ایک غیر قانونی پستول
ایک کلوگرام سے زائد چرس اور کرسٹل
چار عدد چھینے گئے موبائل فون
ملزمان کا تعلق:
دونوں ملزمان کا تعلق بدنام زمانہ "ماموں بھانجا” گینگ سے ہے، جو پرانا گولیمار، جہان آباد اور ملحقہ علاقوں میں منشیات فروشی اور دیگر غیر قانونی سرگرمیوں میں ملوث ہے۔
ملزم ارشد کا کریمنل ریکارڈ:
زخمی ملزم ارشد ماضی میں بھی کئی سنگین جرائم میں ملوث رہا ہے اور ڈیڑھ سال قبل بھی پولیس مقابلے میں زخمی ہو کر جیل جا چکا ہے۔ اس کے خلاف درج مقدمات میں شامل ہیں:
ایف آئی آر نمبر 137/23 (منشیات ایکٹ)
ایف آئی آر نمبر 371/23 (منشیات ایکٹ)
ایف آئی آر نمبر 82/23 (منشیات ایکٹ)
ایف آئی آر نمبر 243/24 (پولیس مقابلہ)
ایف آئی آر نمبر 246/24 (غیر قانونی اسلحہ)
قانونی کارروائی:
گرفتار ملزمان کے خلاف تھانہ پاک کالونی میں مقدمات درج کر لیے گئے ہیں اور مزید تفتیش جاری ہے۔ چھاپے کی سربراہی سب انسپکٹر راجہ خالد نے کی، جن کی مہارت اور قیادت کو اس کامیاب کارروائی کا سہرا دیا جا رہا ہے۔
