کراچی (اسٹاف رپورٹر) – ایڈیشنل آئی جی کراچی جاوید عالم اوڈھو نے کرسمس کی تقریبات کے دوران سیکیورٹی انتظامات کا جائزہ لینے کے لیے کراچی کے معروف ٹرینیٹی چرچ اور سینٹ پیٹرکس چرچ کا دورہ کیا۔ اس موقع پر ایس ایس پی ساؤتھ اور دیگر پولیس افسران بھی ان کے ہمراہ تھے۔
کیماڑی پولیس کا سندھ رینجرز اور کسٹمز کے ہمراہ مشترکہ آپریشن، اسمگل شدہ سامان پکڑا گیا
پولیس چیف نے دونوں چرچوں میں فادر فیڈرک جان اور فادر بینجامن سمیت دیگر انتظامیہ سے ملاقات کی اور کرسمس کے دوران سیکیورٹی کے انتظامات پر تفصیلی تبادلہ خیال کیا۔ چرچ کی انتظامیہ نے پولیس چیف کی آمد پر اطمینان کا اظہار کرتے ہوئے ان کا شکریہ ادا کیا۔
انتظامیہ کی جانب سے پولیس چیف کو پھولوں کا گلدستہ، اجرک اور تحائف پیش کیے گئے، جس پر پولیس چیف نے انتظامیہ کا شکریہ ادا کیا اور کرسمس کی تقریبات کے دوران مکمل سیکیورٹی فراہم کرنے کی یقین دہانی کرائی۔
یہ دورہ اس بات کی عکاسی کرتا ہے کہ پولیس کرسمس کے موقع پر امن و امان کو برقرار رکھنے کے لیے اپنی پوری توانائیوں سے کام کر رہی ہے۔
