اسلام آباد ائیرپورٹ پر ائیرپورٹس سیکورٹی فورس (اے ایس ایف) نے بحرین جانے والی پرواز کی ایک خاتون مسافر سے 296 گرام وائٹ ہیروئن برآمد کرلی۔
نیوکراچی ٹاؤن میں ترقیاتی کاموں کا آغاز، عوامی مسائل کے حل کی کوششیں جاری
تفصیلات کے مطابق، بحرین کی پرواز پر موجود خاتون مسافر مسرت کی تلاشی کے دوران اے ایس ایف کی خاتون باڈی سرچر نے اس کے سینہ بند میں منشیات کی نشاندہی کی۔ مسافر نے ہیروئن کو اپنے سینہ بند کے اندرونی اطراف اور جوتوں کے تلووں میں بڑی مہارت سے چھپا رکھا تھا، تاہم اے ایس ایف کے عملے کی مستعدی سے یہ سمگلنگ کی کوشش ناکام بنادی گئی۔
ملزمہ کو ابتدائی تفتیش کے بعد برآمد شدہ منشیات کے ہمراہ مزید قانونی کارروائی کے لیے اینٹی نارکوٹکس فورس (اے این ایف) کے حوالے کر دیا گیا۔