کراچی (تشکر نیوز) – ڈی آئی جی ایسٹ زون غلام اظفر مہیسر کی زیر صدارت ہندو برادری کے مذہبی تہوار دیوالی کے موقع پر ایک خصوصی تقریب منعقد کی گئی۔ تقریب میں ایسٹ زون سے تعلق رکھنے والے ہندو برادری کے پولیس افسران اور ملازمین نے شرکت کی۔
سچل انویسٹیگیشن پولیس نے رکشہ گینگ کے کارندوں کو عدالت میں پیش کر دیا
اس موقع پر ڈی آئی جی ایسٹ زون نے ہندو برادری سے تعلق رکھنے والے افسران اور ملازمین کو تحائف اور پھولوں کے گلدستے پیش کیے اور تہوار کی خوشیوں میں شرکت کی۔
ڈی آئی جی ایسٹ زون نے دیوالی کے موقع پر مندروں کی حفاظت کے لئے خصوصی سیکورٹی انتظامات کرنے کے احکامات بھی جاری کیے تاکہ ہندو برادری اپنے مذہبی تہوار کو محفوظ اور پرسکون ماحول میں منا سکے۔
تقریب کے آخر میں ڈی آئی جی ایسٹ زون نے دیوالی کا کیک کاٹا اور تمام شرکا کو دیوالی کی مبارکباد پیش کی۔