تشکر نیوز: کراچی پریس کلب کی مجلس عاملہ نے بدھ کو معروف تعلیمی و ادبی شخصیت، شیخ الجامعات اور شاعر ڈاکٹر پیرزادہ قاسم رضا صدیقی کو ان کی علمی و ادبی خدمات کے اعتراف میں لائف ممبر شپ دی۔ تقریب کا انعقاد کراچی پریس کلب کے آئی ایچ برنی ہال میں کیا گیا جس میں کلب کے صدر سعید سربازی، سیکریٹری شعیب احمد اور دیگر سینئر صحافیوں نے شرکت کی۔
ڈائریکٹر جنرل ایس بی سی اے کا اچانک دورہ، افسران و عملے کی حاضری چیک کی
صدر کراچی پریس کلب سعید سربازی نے تقریب میں کہا کہ ڈاکٹر پیرزادہ قاسم ایک علمی و فکری رہنما ہیں اور ان کی خدمات نوجوانوں کی ذہنی تربیت میں اہم رہی ہیں۔ سیکریٹری شعیب احمد نے کہا کہ کراچی پریس کلب نے ہمیشہ عظیم شخصیات کو خراج تحسین پیش کیا ہے، اور پیرزادہ قاسم کو لائف ممبر شپ دینا اسی سلسلے کا حصہ ہے۔
ڈاکٹر پیرزادہ قاسم نے اپنی تقریر میں پریس کلب کا شکریہ ادا کرتے ہوئے کہا کہ یہ ممبر شپ ان کے لیے بڑا اعزاز ہے اور انہوں نے اپنی زندگی میں علم و دانش کے فروغ کے لیے جو کاوشیں کیں، ان کی تکمیل اسی نوعیت کی پذیرائی سے ممکن ہوئی ہے۔
تقریب کے اختتام پر پیرزادہ قاسم کو اجرک اور پھول پیش کیے گئے، جبکہ شرکاء نے ان کی شاعری سے بھی محظوظ ہوئے۔