ایس ایس پی ڈسٹرکٹ سینٹرل ذیشان شفیق صدیقی نے یو سی 40، لیاقت آباد نمبر 4 میں قائم پولیو ویکسینیشن مرکز کا دورہ کیا اور وہاں سیکیورٹی انتظامات کا تفصیلی جائزہ لیا۔ پولیو مہم کے دوران ڈسٹرکٹ سینٹرل پولیس کی جانب سے فول پروف سیکیورٹی انتظامات کیے گئے ہیں۔
ضلع ملیر میں پولیو مہم کے دوران سیکیورٹی کے سخت اقدامات، 700 سے زائد اہلکار تعینات
ایس ایس پی ڈسٹرکٹ سینٹرل نے پولیو ویکسینیشن اسٹاف سے بات چیت کرتے ہوئے انہیں مہم کے دوران سیکیورٹی کے حوالے سے چند احتیاطی اقدامات کی ہدایات بھی دیں۔ ترجمان ایس ایس پی ڈسٹرکٹ سینٹرل کے مطابق، علاقے میں سیکیورٹی کو یقینی بنانے کے لیے تمام ضروری اقدامات کیے گئے ہیں۔