تشکر نیوز: اسپیشل انویسٹی گیشن یونٹ (ایس آئی یو) اور سی آئی اے نے انسدادِ منشیات ایکٹ کے تحت کارروائی کرتے ہوئے سپر ہائی وے پر واقع سراب گوٹھ بس اڈے کے قریب چھاپہ مارا۔ اس دوران ایک ملزم، وحید گل ولد حضرت گل، کو گرفتار کر لیا گیا۔
حزب اللہ کے ایگزیکٹو کونسل کے سربراہ ہاشم صفی الدین اسرائیلی حملے میں شہید
پولیس کے مطابق ملزم کے قبضے سے 12 پیکٹ چرس، جن کا مجموعی وزن 1450 گرام ہے، برآمد کیے گئے۔ تفتیش میں انکشاف ہوا کہ ملزم پشاور سے چرس منگوا کر کراچی میں سپلائی کرتا تھا۔
ملزم کے خلاف انسدادِ منشیات ایکٹ کے تحت مقدمہ درج کر لیا گیا ہے۔ ایس ایس پی ایس آئی یو، محمد شعیب، نے اس کامیاب کارروائی کی تصدیق کی اور مزید تحقیقات جاری ہیں تاکہ منشیات کے اس نیٹ ورک کا مکمل پردہ فاش کیا جا سکے۔
