تشکر نیوز: ڈسٹرکٹ سینٹرل کے ایس ایس پی ذیشان شفیق صدیقی کی ہدایات پر ناظم آباد پولیس نے گٹکا ماوا فروشی میں ملوث ملزمان کے خلاف کریک ڈاؤن کا سلسلہ جاری رکھا ہوا ہے۔ حالیہ کارروائی میں پولیس نے دو مطلوب ملزمان کو گرفتار کیا ہے۔
ڈسٹرکٹ سینٹرل میں پولیس کا کامبنگ آپریشن جاری: مشتبہ افراد زیرِ حراست
ملزمان کو ناظم آباد کے اندرونی علاقے مجاہد کالونی سے گرفتار کیا گیا، جن کی شناخت رحیم ولد محمد اسحاق اور کامران عرف شان ولد کورہ کے ناموں سے ہوئی ہے۔ ایس ایس پی ذیشان شفیق صدیقی کے مطابق یہ ملزمان مجاہد کالونی میں خفیہ طور پر گٹکا ماوا فروخت کرتے تھے اور پہلے سے پولیس کو مطلوب تھے۔
پولیس نے ملزم رحیم کے قبضے سے 20 پڑیاں مضر صحت تیار گٹکا ماوا اور نقد رقم برآمد کی، جبکہ کامران عرف شان سے 22 پڑیاں اور نقدی برآمد کی گئی۔ دونوں ملزمان کے خلاف مقدمات درج کر لیے گئے ہیں۔ رحیم کے خلاف مقدمہ نمبر 419/2024 اور کامران کے خلاف مقدمہ نمبر 417/2024 گٹکا ماوا ایکٹ کے تحت درج کیا گیا ہے۔
کامران عرف شان کا ریکارڈ خاص طور پر مجرمانہ سرگرمیوں میں شامل رہا ہے، جس میں متعدد مقدمات شامل ہیں:
- ایف آئی آر نمبر 161/2، دفعہ 4/8(1) گٹکا ماوا ایکٹ، تھانہ ناظم آباد
- ایف آئی آر نمبر 39/24، دفعہ 4/8(1) گٹکا ماوا ایکٹ
- ایف آئی آر نمبر 179/2024، دفعہ 4/8(1) گٹکا ماوا ایکٹ، تھانہ ناظم آباد
ملزمان کو پہلے بھی کئی بار گرفتار کیا جا چکا ہے اور وہ جیل جا چکے ہیں۔ پولیس کی جانب سے مزید تفتیش جاری ہے تاکہ اس نیٹ ورک کے دیگر ملوث افراد کو بھی قانون کے کٹہرے میں لایا جا سکے۔
