تشکر نیوز: چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے چین کا سرکاری دورہ کیا ہے، جس کے دوران انہوں نے بیجنگ میں اہم ملاقاتیں اور خطابات کیے۔
وزیراعظم کی مولانا فضل الرحمٰن سے رات گئے ملاقات، آئینی ترمیم پر تبادلہ خیال
پاک فوج کے شعبہ تعلقات عامہ (آئی ایس پی آر) کے مطابق، جنرل ساحر شمشاد مرزا نے چین کے وائس چیئرمین برائے سینٹرل ملٹری کمیشن اور چیف آف سی ایم سی جوائنٹ اسٹاف ڈیپارٹمنٹ سے ملاقاتیں کیں۔ ان ملاقاتوں میں دونوں ممالک کے درمیان تاریخی برادرانہ دو طرفہ تعلقات کو اجاگر کیا گیا۔
جنرل مرزا نے بیجنگ میں گیارہویں بیجنگ ینگ شان فورم سے خطاب کرتے ہوئے علاقائی امن و استحکام میں پاکستان کے کردار پر روشنی ڈالی۔ اس موقع پر، پاکستان اور چین کے درمیان دو طرفہ اسٹریٹیجک شراکت داری اور دفاعی تعاون کو بڑھانے پر بھی اتفاق کیا گیا۔
ترجمان پاک فوج نے بتایا کہ چینی قیادت نے پاکستان کی علاقائی سلامتی اور خودمختاری کے تحفظ کے لیے بھرپور حمایت کا اعادہ کیا، جس سے دونوں ممالک کے دفاعی تعلقات میں مزید مضبوطی کی توقع ہے۔