تشکر نیوز: پاکستان بحریہ کے جہاز یرموک نے خلیج عمان میں ریجنل میری ٹائم سیکیورٹی گشت کے دوران رائل عمان نیوی کے جہاز السیب (AL-SEEB) کے ساتھ بحری مشق میں حصہ لیا۔ اس مشق کا مقصد دونوں بحری افواج کے درمیان ہم آہنگی اور مشترکہ حکمت عملی کو فروغ دینا اور خطے میں مشترکہ آپریشنز کے لیے صلاحیتوں کا مظاہرہ کرنا تھا۔
کراچی کی سڑکیں بارش کا پہلا جھٹکا برداشت نہ کر سکیں، اہم شاہراہیں دریا بن گئیں
قبل ازیں، پی این ایس یرموک نے عمان کا دورہ بھی کیا، جہاں جہاز کے کمانڈنگ آفیسر نے عمان کی عسکری قیادت سے ملاقات کی اور باہمی دلچسپی کے امور پر تبادلہ خیال کیا۔
پاکستان بحریہ علاقائی امن و استحکام کے مشترکہ مقصد کے تحت دیگر بحری افواج کے ساتھ باقاعدگی سے تعاون کرتی ہے۔ اس کے تحت، بحری جنگی جہازوں کو ریجنل میری ٹائم سیکیورٹی پیٹرول (RMSP) پر تعینات کیا جاتا ہے تاکہ سمندر میں قانون کی بالادستی اور بحری نظم و نسق برقرار رکھا جا سکے۔ پاکستان بحریہ میری ٹائم سیکیورٹی کے لیے ہونے والی مشترکہ کوششوں میں بھی فعال کردار ادا کرتی ہے۔