تشکر نیوز: سندھ پولیس نے جدید ٹیکنالوجی کے استعمال کو بڑھانے کا فیصلہ کیا ہے، جس کے تحت ٹریفک قوانین کی خلاف ورزی کرنے والے شہریوں کے چالان بہت جلد ان کے گھروں پر پہنچائے جائیں گے۔ آئی جی سندھ غلام1 نبی میمن نے اس حوالے سے تفصیلات فراہم کیں۔
محکمہ تعلیم سندھ میں “گھوسٹ” اساتذہ کا انکشاف، تنخواہوں اور مراعات کے ناجائز وصولی پر کارروائی
آئی جی سندھ غلام نبی میمن نے بتایا کہ ڈرائیونگ لائسنس کی تجدید اور لرنر لائسنس کی درخواستیں اب آن لائن دستیاب ہوں گی، جس سے شہریوں کو سہولت حاصل ہوگی کہ وہ گھر بیٹھے ہی یہ خدمات حاصل کر سکیں۔ اس کے علاوہ، ٹول پلازوں پر جدید کیمروں کی تنصیب جرائم کی روک تھام میں مددگار ثابت ہوگی۔
غلام نبی میمن نے کہا کہ سیف سٹی پراجیکٹ کے تحت ایک سال کے اندر بارہ سو جدید کیمرے نصب کیے جائیں گے۔ شہریوں کی سہولت کے لیے اسپیشل برانچ نے ویری فکیشن ایپ لانچ کی ہے، جس کے ذریعے شہری گھر بیٹھے اسلحہ لائسنس، ائیرپورٹ انٹری پاس، ملازمت اور کریکٹر سرٹیفکیٹ کی تصدیق کی درخواستیں آن لائن جمع کرا سکیں گے۔
انہوں نے مزید کہا کہ سی ٹی ڈی کی اپ گریڈیشن کی جارہی ہے، اور کراچی، حیدر آباد، سکھر اور لاڑکانہ میں سی ٹی ڈی کمپلیکس بنائے جائیں گے۔ سی ٹی ڈی کے لیے نئی گاڑیاں، جدید سافٹ ویئر اور اسلحہ بھی فراہم کیا گیا ہے۔
آئی جی سندھ کے مطابق، ٹول پلازوں پر جدید کیمروں کی تنصیب سے گاڑیوں کے ڈیجیٹل فٹ پرنٹ حاصل کیے جائیں گے اور نادرن بائی پاس پر بھی کیمرے لگانے کا منصوبہ ہے، جس سے شہر کی سیکورٹی میں مزید بہتری آئے گی۔
شہر کے پچیس سے زائد سگنلز پر ٹریفک کے کیمرے نصب کیے جا رہے ہیں، جو آٹووائلیشن کا نوٹس لیں گے۔ ان کیمروں کے ذریعے ٹریفک قوانین کی خلاف ورزی کرنے والوں کو خودکار نظام کے تحت گھروں پر چالان بھیجے جائیں گے، جس سے شہریوں کو ٹریفک قوانین کی پابندی کے حوالے سے مزید آگاہی اور سہولت ملے گی۔