تشکر نیوز: ترک بحریہ کا جہاز، "کنالیاڈا”، خیر سگالی دورے پر کراچی پہنچ گیا ہے۔ سمندر میں اور کراچی بندرگاہ پر پاک بحریہ کے اعلیٰ حکام اور ترک قونصل خانے کے سفارتی عملے نے جہاز کا استقبال کیا۔
عمران خان: فوج اپنے نمائندے منتخب کرے، ہم مذاکرات کے لیے تیار ہیں
بندرگاہ پر قیام کے دوران، ترک بحری جہاز کے کمانڈنگ آفیسر پاک بحریہ کے فیلڈ کمانڈرز اور دیگر عہدیداران سے ملاقات کریں گے، جس میں باہمی دلچسپی کے امور پر تبادلہ خیال کیا جائے گا۔ دونوں بحری افواج کے درمیان باہمی تعاون کو مزید مضبوط بنانے کے لیے مشترکہ بحری نگرانی کی منصوبہ بندی اور دیگر پیشہ ورانہ موضوعات پر بھی بات چیت کی جائے گی۔ ترک بحریہ کا وفد بانی پاکستان کو خراج عقیدت پیش کرنے کے لیے مزار قائد پر پھولوں کی چادر بھی پیش کرے گا۔
یہ دورہ پاکستان اور ترکی کے درمیان تاریخی دوطرفہ تعلقات اور پاک بحریہ و ترک بحریہ کے درمیان مضبوط تعاون کا ایک اہم مظہر ہے۔