کراچی: ایس ایس پی ڈسٹرکٹ سینٹرل ڈاکٹر محمد عمران خان کی ہدایت پر جرائم پیشہ عناصر، گٹکا ماوا فروشوں اور منشیات فروشوں کے خلاف کارروائیاں جاری ہیں۔
پولیس کے مطابق مختلف کارروائیوں کے دوران مجموعی طور پر 10 ملزمان کو گرفتار کیا گیا۔
عزیز آباد پولیس کی کارروائی
تھانہ عزیز آباد پولیس نے گٹکا ماوا فروشی کے الزام میں 2 ملزمان محمد شکیل اور وارث محمد کو گرفتار کیا۔
پولیس کے مطابق ملزمان کے قبضے سے 120 پڑیاں گٹکا ماوا اور فروخت کی رقم برآمد ہوئی۔
کارروائی کا مقدمہ FIR نمبر 599/2026 بجرم دفعہ 4/8(i) گٹکا ماوا ایکٹ کے تحت درج کیا گیا۔
پولیس کے مطابق ملزم محمد شکیل اس سے قبل بھی گٹکا ماوا فروشی کے مقدمات میں گرفتار ہوکر جیل جاچکا ہے۔
لیاقت آباد میں موٹر سائیکل لفٹر گرفتار
تھانہ لیاقت آباد پولیس نے اسنیپ چیکنگ کے دوران مبینہ موٹر سائیکل لفٹر گینگ کے 2 ملزمان توصیف اور عبید کو گرفتار کیا۔
پولیس کے مطابق ملزمان کے قبضے سے چوری شدہ سپر پاور 70 موٹر سائیکل، رجسٹریشن نمبر KQD-8503، 3 موبائل فون اور 170 روپے نقد برآمد ہوئے۔
پولیس نے مقدمہ FIR نمبر 595/2026 بجرم دفعہ 381-A کے تحت درج کیا۔
ابتدائی تفتیش کے مطابق ملزمان نے مبینہ طور پر یہ موٹر سائیکل 27 ستمبر 2026 کو لیاقت آباد کے مکان نمبر 9/7 سے چوری کی تھی۔
سپر مارکیٹ پولیس کی کارروائی
تھانہ سپر مارکیٹ پولیس نے منشیات فروشی کے خلاف کارروائی کرتے ہوئے 2 ملزمان نسیم اور عثمان کو گرفتار کیا۔
پولیس کے مطابق نسیم کے قبضے سے 24 گرام آئس اور 300 روپے جبکہ عثمان سے 22 گرام آئس اور 200 روپے نقد برآمد ہوئے۔
دونوں ملزمان کے خلاف FIR نمبر 603/2026 بجرم دفعہ 9(2)2 کے تحت مقدمہ درج کیا گیا۔
مزید تفتیش انچارج CIC لیاقت آباد ڈویژن کے حوالے کردی گئی ہے۔
حیدری مارکیٹ میں گٹکا ماوا فروش گرفتار
شمالی وزیرستان اور مستونگ میں سکیورٹی فورسز کی کارروائیاں، 18 دہشتگرد ہلاک
تھانہ حیدری مارکیٹ پولیس نے کارروائی کرتے ہوئے محمد صابر کو گرفتار کیا۔
پولیس کے مطابق ملزم کے قبضے سے 20 پڑیاں گٹکا ماوا برآمد ہوئیں۔
مقدمہ FIR نمبر 394/2026 بجرم دفعہ 4/8(i) گٹکا ماوا ایکٹ کے تحت درج کیا گیا۔
پولیس کے مطابق ملزم دیگر تھانوں کو بھی مطلوب تھا اور اس کے خلاف گلبرگ، ایف بی ایریا اور یوسف پلازہ تھانوں میں مقدمات درج ہیں۔
لیاقت آباد میں 110 گرام آئس برآمد
تھانہ لیاقت آباد پولیس نے منشیات فروش ملزم نیاز احمد کو گرفتار کرکے 110 گرام آئس اور 680 روپے نقد برآمد کیے۔
پولیس کے مطابق ملزم نے دوران تفتیش دعویٰ کیا کہ وہ تین ہٹی ندی کنارے، لیاقت آباد اور دیگر علاقوں میں آئس فروخت کرتا ہے۔
ملزم کے خلاف مقدمہ نمبر 610/2026 بجرم دفعہ 9(2)4 نارکوٹکس ایکٹ کے تحت درج کرلیا گیا ہے۔
گل بہار پولیس کی کارروائی
تھانہ گل بہار پولیس نے کارروائی کرتے ہوئے 2 ملزمان عبید زاہد اور محمد سمیر امیر کو گرفتار کیا۔
پولیس کے مطابق ملزمان کے قبضے سے 30 بور پستول، 3 زندہ راؤنڈز اور 2 بوتل شراب برآمد ہوئی۔
پولیس نے اسلحہ برآمدگی پر مقدمہ نمبر 356/2026 بجرم دفعہ 23(1)A جبکہ شراب کی برآمدگی پر مقدمہ نمبر 357/2026 بجرم دفعہ 3/4 P.E.H.O کے تحت درج کرلیا۔
پولیس کا کہنا ہے کہ تمام مقدمات میں مزید تفتیش جاری ہے۔
