جناح ایئرپورٹ کے دورے کے دوران وفاقی وزیر داخلہ محسن نقوی نے امیگریشن کاؤنٹرز پر مسافروں کے لیے جاری عمل کا جائزہ لیا اور سسٹم ڈاؤن ہونے پر متعلقہ حکام کو فوری خرابی دور کرنے کی ہدایت کردی۔
وزیر داخلہ نے بیرونِ ملک جانے والے مسافروں سے ملاقات کی اور ان سے امیگریشن کے عمل کے بارے میں معلومات حاصل کیں۔ دورے کے دوران امیگریشن سسٹم میں خرابی سامنے آنے پر محسن نقوی نے موقع پر ہی متعلقہ حکام سے ٹیلیفونک رابطہ کیا۔
محسن نقوی نے ہدایت کی کہ سسٹم ڈاؤن ہونے کی صورت میں فوری طور پر متبادل انتظام فعال رکھنے کا بندوبست کیا جائے تاکہ امیگریشن کا عمل کسی صورت متاثر نہ ہو۔
کورنگی مقابلہ: پولیس کی کارروائی، دو زخمیوں سمیت 3 مبینہ ڈکیت گرفتار
وزیر داخلہ نے کہا کہ امیگریشن پراسیس کسی صورت رکنا نہیں چاہیے اور سسٹم میں خرابی کو فوری دور کیا جائے۔
محسن نقوی نے جعلی دستاویزات پر سفر کرنے والوں کے خلاف سخت کارروائی کا حکم بھی دیا۔ ان کا کہنا تھا کہ نامکمل یا غیر تصدیق شدہ دستاویزات رکھنے والے کسی مسافر کو سفر کی اجازت نہیں دی جائے گی
