اربیل: عراق کے کردستان ریجن کے وزیراعظم مسرور بارزانی کے دفتر پر دو ڈرون حملے ہوئے ہیں۔ کرد حکام نے ان حملوں کا الزام ایران پر عائد کیا ہے۔
کردستان کے وزیراعظم کے ترجمان کے مطابق ڈرون حملے ایرانی سرزمین سے کیے گئے۔ حملوں میں اربیل صوبے کے ضلع پیرمام میں وزیراعظم کے نجی دفتر اور خطے کی سیکیورٹی ایجنسی کے ڈائریکٹر کی رہائش گاہ کو نشانہ بنایا گیا۔
حکام کے مطابق حملوں میں کسی جانی نقصان کی اطلاع نہیں ملی۔
مسرور بارزانی نے حملوں کی مذمت کرتے ہوئے کہا کہ ایرانی حملے خطے کی سلامتی کے لیے خطرہ ہیں۔ انہوں نے کہا کہ کردستان میں موجود سرکاری تنصیبات کو نشانہ بنانا قابلِ مذمت ہے۔
کرد حکام نے کہا ہے کہ حملوں کے ذمہ دار عناصر کو ان کے اقدامات کے نتائج کی مکمل ذمہ داری اٹھانا ہوگی۔
عائزہ خان: دانش تیمور سے اختلافات کی سوشل میڈیا قیاس آرائیاں، کوئی تصدیق نہیں
حکام کے مطابق واقعے کے بعد خطے کی سیکیورٹی صورتحال کا جائزہ لیا جا رہا ہے۔
