کراچی: پاکستانی شوبز کی معروف جوڑی عائزہ خان اور دانش تیمور ایک بار پھر سوشل میڈیا پر اپنے مبینہ اختلافات کے حوالے سے قیاس آرائیوں کی زد میں آگئی ہے۔
سوشل میڈیا صارفین نے عائزہ خان کی دانش تیمور کے ڈرامے ’ہمرہی‘ کی اختتامی تقریب کی اسکریننگ میں عدم شرکت کو نوٹ کیا۔ مداحوں نے یہ بھی دیکھا کہ عائزہ خان نے 8 اگست کو اپنی نکاح کی سالگرہ پر دانش تیمور کے لیے کوئی پوسٹ شیئر نہیں کی۔
یومِ آزادی کے موقع پر بھی دانش تیمور نے سوشل میڈیا پر فیملی کے بجائے اپنی ایک تصویر شیئر کی۔ ان سرگرمیوں کے بعد مداحوں نے دونوں کے تعلقات کے بارے میں سوالات اٹھانا شروع کردیے۔
عائزہ خان کی حالیہ بلیک اینڈ وائٹ پوسٹ نے بھی سوشل میڈیا صارفین کی توجہ حاصل کی۔ اس کے بعد دونوں کے درمیان مبینہ اختلافات اور علیحدگی سے متعلق قیاس آرائیاں مزید تیز ہوگئیں۔
کرسٹیانو رونالڈو: اسٹار فٹ بالر نے رواں سال کیریئر ختم کرنے کا عندیہ دے دیا
تاہم عائزہ خان اور دانش تیمور دونوں نے طلاق یا علیحدگی کی کوئی تصدیق نہیں کی۔ اس لیے سوشل میڈیا پر گردش کرنے والی باتیں فی الحال غیر مصدقہ قیاس آرائیوں تک محدود ہیں۔
