ایرانی وفد نے پی سی بی کے چیف آپریٹنگ آفیسر اور پاکستان سپر لیگ کے چیف ایگزیکٹو آفیسر سے ملاقات کی۔ دونوں جانب سے کرکٹ کے شعبے میں تعاون کے مختلف پہلوؤں پر تبادلۂ خیال کیا گیا۔
وفد نے قذافی اسٹیڈیم، کرکٹ میوزیم اور نیشنل کرکٹ اکیڈمی کا دورہ بھی کیا۔ ایرانی وفد نے اکیڈمی کی تربیتی سہولیات کا جائزہ لیا۔
جونیئر اور سینئر کرکٹرز کی تربیت
ملاقات کے دوران پاکستان اور ایران میں جونیئر اور سینئر کرکٹرز کی ضروریات کی نشاندہی پر بھی گفتگو ہوئی۔
سی ٹی ڈی: سندھ میں دہشت گردی کے واقعات میں 76 فیصد کمی، 918 انٹیلی جنس آپریشنز
دونوں جانب سے پاکستانی کوچز کی مہارت اور تجربے سے ایران کی جونیئر اور سینئر ٹیموں کو فائدہ پہنچانے پر اتفاق کیا گیا۔
پی سی بی اور ایرانی کرکٹ ایسوسی ایشن نے کرکٹ کے فروغ کے لیے باہمی تعاون جاری رکھنے کے عزم کا بھی اظہار کیا۔
