آکلینڈ نیوزی لینڈ نے پیر کے روز 2026 کے ورلڈ کپ کے لیے کوالیفائی کر لیا، جب دوسرے ہاف میں تجربہ کار کھلاڑی مائیکل باکسل اور کوسٹا باربروس کے شاندار گولز نے نیو کیلیڈونیا کے خلاف 3-0 کی شاندار فتح حاصل کی۔
عیدالفطر کے دوران واٹر کارپوریشن کے خصوصی انتظامات، مساجد اور عیدگاہوں کے اطراف صفائی یقینی بنانے کی ہدایت
سینٹر بیک مائیکل باکسل نے اپنے 55ویں بین الاقوامی میچ میں نیوزی لینڈ کے لیے پہلا گول اس وقت کیا، جب انہوں نے ایڈن پارک میں ایک گھنٹے کے نشان پر شاندار ہیڈر کے ذریعے گیند کو جال میں پہنچایا۔ پانچ منٹ بعد، باربروس نے گول کیپر کو چکمہ دے کر دوسرا گول کیا۔
میچ کے 80ویں منٹ میں متبادل کھلاڑی ایلیاہ نے تیسرا گول داغ کر نیوزی لینڈ کی کامیابی کو مکمل کر دیا، جس کے ساتھ ہی آل وائٹس نے 1982 اور 2010 کے بعد ملک کی تیسری ورلڈ کپ شرکت کا جشن منایا۔
نیوزی لینڈ نے ماضی میں تین بار علاقائی کوالیفائنگ راؤنڈ جیتا، مگر بین البراعظمی پلے آف میں شکست کے باعث ورلڈ کپ فائنل میں جگہ نہ بنا سکا۔ تاہم، 2026 کے فارمیٹ کے مطابق، اوشیانا کی سرفہرست ٹیم کو پہلی بار براہ راست ورلڈ کپ فائنل میں جگہ دی گئی۔
نیوزی لینڈ، جاپان کے بعد، 2026 ورلڈ کپ کے لیے کوالیفائی کرنے والی دوسری ٹیم بن گئی۔ جاپان نے گزشتہ ہفتے بحرین کے خلاف 2-0 کی فتح کے ساتھ ورلڈ کپ ٹکٹ کنفرم کیا تھا۔
نیوزی لینڈ کے لیے اس کامیابی کا ایک نقصان کپتان کرس ووڈ کی انجری تھی، جو دوسرے ہاف کے آغاز میں چوٹ کے باعث میدان سے باہر چلے گئے۔
نیو کیلیڈونیا، جو کہ عالمی رینکنگ میں 152ویں نمبر پر ہے اور زیادہ تر شوقیہ کھلاڑیوں پر مشتمل ٹیم ہے، نے 60 منٹ تک نیوزی لینڈ کو روکے رکھا۔ تاہم، باکسل کے ہیڈر نے نیوزی لینڈ کی کامیابی کی راہ ہموار کر دی۔
نیو کیلیڈونیا کو ورلڈ کپ 2026 کے لیے کوالیفائی کرنے کا ایک اور موقع بین البراعظمی پلے آف میں ملے گا، جو کہ امریکا، کینیڈا اور میکسیکو میں منعقد ہوں گے۔