جرمنی نے نیشنز لیگ کے سیمی فائنل میں جگہ بنا لی، اٹلی کے خلاف دوسرے ہاف میں سخت مزاحمت کے باوجود مجموعی طور پر 5-4 سے کامیابی حاصل کی۔ اتوار کو ڈورٹمنڈ میں ہونے والے میچ میں جرمنی نے پہلے ہاف میں 3-0 کی برتری حاصل کی، لیکن اٹلی نے زبردست فائٹ بیک کرتے ہوئے مقابلہ 3-3 سے برابر کر دیا۔
اسپین کی سنسنی خیز فتح، نیشنز لیگ کے فائنل فور میں رسائی حاصل کر لی
جرمنی کی ابتدائی برتری میں جوشوا کیمِچ کی شاندار کارکردگی نمایاں رہی، جنہوں نے ایک پنالٹی اسکور کی اور جمال موسیالا اور ٹِم کلینڈینسٹ کو گول کے مواقع فراہم کیے۔
اٹلی کی شاندار واپسی:
چوٹوں سے متاثرہ اٹلی نے دوسرے ہاف میں جارحانہ کھیل کا مظاہرہ کیا۔ موئس کین نے 49ویں اور 68ویں منٹ میں دو شاندار گول داغے، جس سے جرمنی دفاعی دباؤ میں آگیا۔
73ویں منٹ میں اٹلی کو پنالٹی ملی، لیکن وی اے آر نے فیصلہ بدل دیا۔ تاہم، گیانکومو راسپادوری نے اسٹاپیج ٹائم میں پنالٹی کو گول میں تبدیل کرکے اٹلی کی امیدیں زندہ رکھیں، لیکن جرمنی نے مجموعی برتری برقرار رکھی۔
جرمنی کی پیش قدمی:
یہ جیت جرمنی کے کوچ جولیان ناگلسمین کے لیے ایک بڑی کامیابی تھی، جو ٹیم کی کارکردگی پر خوش تو تھے، لیکن تسلسل پر مزید کام کرنے پر زور دیا۔
جرمنی اب نیشنز لیگ کے سیمی فائنل میں پرتگال سے مقابلہ کرے گا، جو جون میں جرمن سرزمین پر ہوگا۔