کراچی، 18 مارچ 2025: صوبائی وزیر بلدیات سعید غنی نے اعلان کیا ہے کہ شاہراہ بھٹو ایکسپریس وے فیز ٹو اپریل میں عوام کے لیے کھول دیا جائے گا۔ 15 کلومیٹر طویل اس فیز میں 4 کلومیٹر طویل اوور ہیڈ پل شامل ہے، جس میں کراچی کی تاریخ کے سب سے بڑے گارڈرز نصب کیے جا رہے ہیں۔
پاک بحریہ کے جہاز اصلت کا ریجنل میری ٹائم سیکیورٹی پٹرول کے دوران مالدیپ کا دورہ
انہوں نے کہا کہ 54 ارب روپے کی لاگت سے تعمیر ہونے والی 36 کلومیٹر طویل ایکسپریس وے کو دسمبر 2025 تک مکمل طور پر فعال کر دیا جائے گا۔ انہوں نے مزید کہا کہ ٹھٹھہ اور ملیر کے شہریوں کے لیے سفری سہولتوں میں نمایاں بہتری آئے گی اور منصوبہ وقت پر مکمل ہوگا۔
اہم نکات:
جام صادق پل سے قائد آباد تک کا سفر 11 منٹ میں طے کیا جاسکے گا۔
ریلوے لائن اور قائد آباد پل کے اوپر 4 کلومیٹر اوور ہیڈ پل تعمیر کیا جا رہا ہے۔
منصوبے کی لاگت 54 ارب روپے مقرر ہے اور یہ طے شدہ بجٹ میں مکمل کیا جائے گا۔
سعید غنی نے کینالز کے مسئلے پر بھی بات کرتے ہوئے کہا کہ پیپلز پارٹی نے ہمیشہ اس معاملے پر آواز بلند کی ہے اور سندھ کے حقوق کے تحفظ کے لیے ہر فورم پر مؤثر دلائل دیے ہیں۔ انہوں نے مسلم لیگ فنکشنل کے صدر الدین راشدی کو پیپلز پارٹی میں شمولیت کی دعوت دیتے ہوئے کہا کہ ان کی جماعت سکڑ کر ختم ہو چکی ہے۔
پیپلز پارٹی کے کارکنوں پر حملے سے متعلق سوال پر انہوں نے کہا کہ ڈالمیا میں ہونے والا واقعہ ٹارگٹڈ ہے اور پولیس جلد قاتلوں کو گرفتار کرے گی۔
