قومی بجلی ریگولیٹری اتھارٹی (نیپرا) نے ماہانہ ایڈجسٹمنٹ کے تحت بجلی کی قیمتوں میں کمی کا اعلان کر دیا ہے، جس سے ملک بھر کے صارفین کو مارچ کے بلوں میں ریلیف ملے گا۔
کراچی میں ڈکیتی مزاحمت پر ہلاکتیں 19 تک پہنچ گئیں، رمضان میں 5 شہری جاں بحق
تفصیلات کے مطابق، کراچی کے صارفین کے لیے بجلی 3 روپے فی یونٹ سستی کر دی گئی، جب کہ دیگر علاقوں کے لیے بجلی کے نرخ 2 روپے 12 پیسے فی یونٹ کم کر دیے گئے ہیں۔
نیپرا کے مطابق، یہ کمی دسمبر 2024 اور جنوری 2025 کی ماہانہ ایڈجسٹمنٹس کے تحت کی گئی ہے۔ کراچی میں بجلی فراہم کرنے والی کمپنی "کے الیکٹرک” کے لیے دسمبر 2024 کی ایڈجسٹمنٹ کے تحت کمی کی گئی ہے، جبکہ ملک کے دیگر حصوں کے لیے یہ جنوری 2025 کی ایڈجسٹمنٹ کے تحت کی گئی ہے۔
یہ اقدام بجلی صارفین کے لیے ایک خوش آئند ریلیف ہوگا، جو مارچ کے مہینے کے بجلی کے بلوں میں واضح نظر آئے گا۔ نیپرا کا کہنا ہے کہ اس فیصلے کا مقصد صارفین پر مالی دباؤ کم کرنا اور توانائی کی قیمتوں میں استحکام لانا ہے۔
