کمشنر کراچی سید حسن نقوی کی ہدایت پر رمضان المبارک کے پہلے روز ڈپٹی کمشنرز اور اسسٹنٹ کمشنرز فیلڈ میں متحرک رہے، مارکیٹوں، گوداموں، مالز اور اسٹالز پر پرائس چیکنگ کی گئی، اور سرکاری نرخوں سے زائد قیمت وصول کرنے والوں کے خلاف سخت کارروائی عمل میں لائی گئی۔
چیمپئنز ٹرافی بھارت نے نیوزی لینڈ کے خلاف 249 رنز بنائے، دونوں ٹیمیں سیمی فائنل میں پہنچ گئیں
کمشنر کراچی کا دفتر اتوار کو بھی کھلا رہا، جہاں تمام اضلاع کے ڈپٹی کمشنرز اور اسسٹنٹ کمشنرز کی کارکردگی مانیٹر کی گئی۔ سید حسن نقوی نے واضح کیا کہ جو افسر فیلڈ میں موجود نہ پایا گیا، اس کے خلاف شوکاز نوٹس جاری کیا جائے گا۔
منافع خوروں کے خلاف سخت کارروائی:
کمشنر نے کہا کہ عوام کو رمضان کے پہلے روز سے ہی ریلیف فراہم کرنا ضروری ہے، اور کسی بھی افسر سے اس معاملے پر رعایت نہیں برتی جائے گی۔ انہوں نے مزید کہا کہ ناجائز منافع خوروں کے خلاف ایف آئی آر درج کی جائیں اور ان کے کاروبار سیل کیے جائیں۔
کارروائی کی جھلکیاں:
ڈپٹی کمشنر جنوبی نے سلیم میمن ٹریڈرز کے دو گوداموں کو 700 تھیلوں کے ساتھ سیل کر دیا۔
اقبال میمن کے 600 تھیلوں کے ذخیرے کو ضبط کرکے سیل کیا گیا اور جرمانہ عائد کیا گیا۔
پرائس بیورو، خوراک اور زراعت کے محکمے بھی قیمتوں کو کنٹرول کرنے کے لیے متحرک ہیں۔
کمشنر کراچی نے اس عزم کا اظہار کیا کہ رمضان المبارک میں اشیائے خور و نوش کی قیمتوں میں اضافے کو روکنے کے لیے سخت اقدامات کیے جائیں گے تاکہ غریب افراد بھی اللہ کی نعمتوں سے مستفید ہو سکیں۔
