پاک بحریہ کا جہاز پی این ایس یرموک متحدہ عرب امارات میں منعقدہ بین الاقوامی دفاعی نمائش (IDEX) اور بحری دفاعی نمائش (NAVDEX 25) میں شرکت کے لیے پہنچ گیا۔ اس دفاعی نمائش میں 65 ممالک کی شرکت کے ساتھ ساتھ 8 ممالک کے بحری جہاز بھی شامل تھے۔
ایلون مسک کے ہاں چودہویں بچے کی پیدائش، ایک اور حیران کن اضافہ
متحدہ عرب امارات کی بندرگاہ پہنچنے پر پاکستانی سفارتخانے کے حکام اور بحری نمائش کے سربراہ نے پی این ایس یرموک کا پرتپاک استقبال کیا۔ اس موقع پر پاکستان بحریہ کے ڈپٹی چیف آف دی نیول اسٹاف (آپریشنز) نے مختلف ممالک کے دفاعی حکام اور نمائش میں شریک دیگر اہم شخصیات سے باہمی دلچسپی کے امور پر تبادلہ خیال کیا۔
نمائش کے دوران متحدہ عرب امارات کے وزیر برائے رواداری، رومانیہ اور یمن کے وزرائے دفاع سمیت متعدد اہم شخصیات نے پی این ایس یرموک کا دورہ کیا اور پاکستان بحریہ کی صلاحیتوں کو سراہا۔
اس دفاعی نمائش میں پاکستان کی شرکت متحدہ عرب امارات کے ساتھ مضبوط دفاعی تعلقات اور عالمی میری ٹائم سیکیورٹی میں پاک بحریہ کے متحرک کردار کی عکاسی کرتی ہے۔
مزید برآں، پی این ایس یرموک نے متحدہ عرب امارات کی بحریہ کے جہاز ’الامارات‘ کے ساتھ مشترکہ مشقیں بھی کیں، جو دونوں ممالک کے درمیان دفاعی تعاون کو مزید مستحکم کرنے کی علامت ہیں۔