غیر ملکی خبر رساں ادارے کے مطابق، سابق امریکی صدر ڈونلڈ ٹرمپ نے جمعے کے روز اعلان کیا کہ وہ موجودہ صدر جو بائیڈن کی خفیہ معلومات تک رسائی ختم کر رہے ہیں۔ یہ فیصلہ انہوں نے اپنے سوشل میڈیا پلیٹ فارم "ٹرتھ سوشل” پر جاری بیان کے ذریعے کیا۔
قذافی اسٹیڈیم: نیوزی لینڈ کا ٹاس جیت کر بیٹنگ کا فیصلہ، محمد رضوان کی قومی ٹیم تیار
ڈونلڈ ٹرمپ کا کہنا تھا کہ جو بائیڈن کو خفیہ معلومات تک رسائی رکھنے کی ضرورت نہیں ہے اور ان کی سیکیورٹی کلیئرنس فوری طور پر منسوخ کر دی گئی ہے۔ انہوں نے مزید کہا کہ یہ اقدام 2021 میں جو بائیڈن کے کیے گئے فیصلے کے ردعمل کے طور پر لیا گیا ہے، جب بائیڈن نے انٹیلیجنس کمیونٹی کو ہدایت دی تھی کہ سابق صدر ٹرمپ کو قومی سلامتی کی تفصیلات تک رسائی سے روکا جائے۔
ٹرمپ نے اپنے بیان میں جو بائیڈن پر "بھولنے کی بیماری” کا الزام لگایا اور کہا کہ وہ حساس معلومات پر بھروسے کے قابل نہیں ہیں۔ ان کا کہنا تھا کہ وہ ہمیشہ اپنی قومی سلامتی کی حفاظت کریں گے۔
ریپبلکن رہنما نے اپنے بیان میں بائیڈن کی گزشتہ سال کی حساس دستاویزات کے حوالے سے رپورٹ کا حوالہ دیتے ہوئے کہا کہ یہ فیصلہ قومی سلامتی کو یقینی بنانے کے لیے کیا گیا ہے۔