کراچی کے علاقے سہراب گوٹھ میں شہریوں نے پولیس اور انتظامیہ کے خلاف سخت احتجاج کیا۔ الاصف اسکوائر کے اطراف میں مختلف احتجاجی بینرز آویزاں کیے گئے، جن میں علاقے میں جاری غیر قانونی سرگرمیوں اور پولیس گردی کے خلاف سخت نعرے درج تھے۔
نیمار جونیئر کا اپنے بچپن کے کلب سانتوس سے معاہدہ، جذباتی واپسی
بینرز پر احتجاجی نعرے:
"عوام کا پانی چوری کر کے صنعتوں کو فروخت کرنا نامنظور”
"علاقے میں پولیس گردی نامنظور”
"مکروہ دھندوں کی پولیس اور سیاسی پشت پناہی بند کرو”
"سہراب گوٹھ کی تباہ حالی اور منظم جرائم کا ذمہ دار کون؟”
اہل محلہ کے الزامات
علاقہ مکینوں نے پولیس اور انتظامیہ پر اسمگلنگ، مکروہ دھندے، اور غیر قانونی سرگرمیوں کی پشت پناہی کا الزام عائد کیا ہے۔ ان کا کہنا ہے کہ سہراب گوٹھ میں منظم جرائم کو پولیس اور سیاسی شخصیات کی سرپرستی حاصل ہے۔
اہل علاقہ کا مطالبہ
احتجاج کرنے والوں نے حکومت اور اعلیٰ حکام سے مطالبہ کیا کہ:
پانی چوری اور اسمگلنگ جیسے جرائم کا فوری خاتمہ کیا جائے۔
پولیس گردی اور غیر قانونی سرگرمیوں میں ملوث اہلکاروں کے خلاف سخت کارروائی کی جائے۔
علاقے میں امن و امان کی صورتحال بہتر بنائی جائے۔
انتظامیہ کا موقف تاحال سامنے نہیں آیا
احتجاج کے حوالے سے پولیس یا انتظامیہ کی جانب سے کوئی باضابطہ بیان جاری نہیں کیا گیا۔