تشکر نیوز: چیئرمین نیو کراچی ٹاؤن محمد یوسف نے بلدیاتی سہولتوں کی فراہمی کے لیے انتھک محنت جاری رکھی ہے۔ منتخب بلدیاتی نمائندوں کی کاوشوں سے نیو کراچی ٹاؤن میں بلدیاتی مسائل حل ہو رہے ہیں۔ حال ہی میں، یونین کمیٹی نمبر 03 کے چیئرمین اور علاقہ معززین نے چیئرمین محمد یوسف سے ملاقات کی اور ان کی محنت اور ترقیاتی کاموں پر خراج تحسین پیش کیا۔
نارتھ ناظم آباد کے شاپنگ مال میں آتشزدگی، ریسکیو 1122 کی کارروائی جاری
علاقہ معززین کا کہنا تھا کہ چیئرمین محمد یوسف اور وائس چیئرمین شعیب بن ظہیر نے یوسی 03 میں سیوریج اور پینے کے صاف پانی کی فراہمی جیسے اہم مسائل حل کیے ہیں۔ اس کے علاوہ، علاقے میں ترقیاتی کاموں کا آغاز بھی ہو چکا ہے جس سے مسائل میں کمی آئی ہے۔
چیئرمین محمد یوسف نے گفتگو کرتے ہوئے کہا کہ جماعت اسلامی کے منتخب نمائندے عوامی خدمت کے جذبے کے تحت اپنے مسائل حل کر رہے ہیں اور ہمارا مقصد نیو کراچی ٹاؤن کو ماڈل ٹاؤن بنانا ہے۔ اس کے لیے پارکس اور پلے گراؤنڈز کی تزئین و آرائش کی جا رہی ہے تاکہ نیو کراچی ٹاؤن کو سرسبز و شاداب بنایا جا سکے۔
ملاقات کے اختتام پر، یونین کمیٹی چیئرمین اور علاقہ معززین نے چیئرمین محمد یوسف اور وائس چیئرمین شعیب بن ظہیر کو اعزازی شیلڈ پیش کی۔