کراچی: ناظم آباد ٹاؤن کی سیوریج ٹیم نے آج مختلف مقامات پر سیوریج کے متعدد مسائل کا حل نکال لیا۔ ان شکایات میں خاص طور پر CRM ایپس پر موصول ہونے والی شکایات بھی شامل تھیں، جنہیں فوری طور پر حل کیا گیا۔
ڈاکٹر فاروق ستار اور نسرین جلیل کی آئیڈیاز 2024 نمائش میں شرکت، ملکی و غیر ملکی اسٹالز کا دورہ
پاپوش نگر بلاک 5C میں 15 انچ قطر کی سیوریج لائن کی تبدیلی کا کام بھی شروع کر دیا گیا، جو 50 سال سے زائد پرانی تھی اور حالیہ دنوں میں لائن کے دھنسنے کی وجہ سے سیوریج مسائل پیدا ہو رہے تھے۔ یہ لائن پاپوش نگر کے مختلف بلاکوں میں سیوریج کے مسائل کا باعث بن رہی تھی۔ توقع ہے کہ یہ کام کل تک مکمل کر لیا جائے گا، جس سے علاقے کے سیوریج مسائل میں کمی آئے گی۔
اس کے علاوہ، ٹاؤن بلاک 1B جدہ بریانی کمرشل ایریا میں 18 انچ قطر کی مین لائن جو چوک ہوگئی تھی، مشینوں کی مدد سے بحال کر دی گئی۔ اس کے ساتھ ساتھ، ناظم آباد ورکشاپ میں سید محمد مظفر حسین ٹاؤن چیئرمین کی درخواست پر 8 انچ قطر کی لائن کی بھی تبدیلی کی گئی۔
ناظم آباد ٹاؤن کی انتظامیہ نے شہریوں کو یقین دلایا ہے کہ سیوریج مسائل کے حل کے لیے ان کی کوششیں جاری ہیں اور اس طرح کے کاموں کو تیزی سے مکمل کیا جائے گا تاکہ عوام کو جلد سے جلد سہولت فراہم کی جا سکے۔