کراچی (تشکر نیوز) ملیر سٹی پولیس نے خفیہ اطلاعات کی بنیاد پر کارروائی کرتے ہوئے منشیات فروش نیٹ ورک کی دو انتہائی مطلوب خواتین کو گرفتار کرلیا۔ پولیس نے کارروائی آنسو گوٹھ کے ایک خفیہ مقام پر کی، جہاں سے دونوں خواتین کو حراست میں لیا گیا۔
ڈسٹرکٹ سٹی پولیس کی خفیہ معلومات پر کارروائیاں، 8 گٹکا/ماوا سپلائرز گرفتار
گرفتار خواتین کے قبضے سے 2 کلو سے زائد ہیروئن اور 10,000 روپے نقدی برآمد کرلی گئی۔ ملزمان کی شناخت عزیزہ عرف چیلی اور جنت بی بی عرف مامی کے نام سے ہوئی ہے۔ دوران تفتیش ملزمہ عزیزہ عرف چیلی نے انکشاف کیا کہ وہ کراچی کے مختلف علاقوں میں خواتین کے ذریعے منشیات فروشی کا نیٹ ورک چلا رہی تھی، جس میں اس کی ساتھی جنت بی بی بھی شامل تھی۔
پولیس کے مطابق دونوں ملزمان اس سے قبل بھی منشیات کے درجنوں مقدمات میں گرفتار ہوکر جیل جاچکی ہیں۔ ملیر سٹی پولیس نے گرفتار خواتین کے خلاف مقدمہ درج کرکے مزید تفتیش شروع کردی ہے۔
