تشکر نیوز: رائل مراکشی ایئر فورس کے انسپکٹر میجر جنرل محمد غادی نے ایئر ہیڈکوارٹرز اسلام آباد میں ائیر چیف مارشل ظہیر احمد بابر سدھو سے ملاقات کی۔ اس ملاقات میں فوجی تعاون، مشترکہ تربیت اور صنعتی شعبے میں تعاون پر تفصیل سے گفتگو کی گئی۔
اسپتال کےبرطرف افسرکی نئی چال، مظلومیت سے بھری درخواست لکھ ڈالی
ملاقات کے دوران، ائیر چیف مارشل نے پاکستان اور مراکش کے درمیان دوطرفہ تاریخی تعلقات کو اجاگر کیا اور دونوں ممالک کی فضائی افواج کے مابین شراکت داری کو مزید مضبوط بنانے کے عزم کا اظہار کیا۔ انہوں نے خاص طور پر مشترکہ تربیتی اقدامات کی اہمیت پر زور دیا، جس میں بنیادی اور حکمت عملی سطح کی تربیت شامل ہے۔
میجر جنرل محمد غادی نے پاک فضائیہ کی تکنیکی ترقی کی تعریف کی اور پاکستان کی فضائی صنعت سے سیکھنے کی خواہش ظاہر کی۔ ملاقات کے دوران، مراکشی فضائیہ کے سربراہ نے نیشنل ایرو اسپیس سائنس اینڈ ٹیکنالوجی پارک اور دیگر جدید فضائی نظاموں کا دورہ بھی کیا۔
پاکستان اور مراکش کی فضائی افواج کے سربراہوں نے موجودہ تعلقات کو مزید مستحکم کرنے کے عزم کا اعادہ کیا، خاص طور پر صنعتی شعبے میں تعاون کے نئے مواقع کی تلاش میں دلچسپی ظاہر کی۔