کراچی: (تشکُّر نیوز) ڈسٹرکٹ سٹی کے علاقے کلاکوٹ میں پولیس نے انٹیلیجنس بیسڈ اطلاع پر گھر نما منی فیکٹری پر چھاپہ مار کر دو ملزمان کو گرفتار کر لیا۔ پولیس کے مطابق چھاپے کے دوران 20 کلو سے زائد گٹکا/ماوا، 10 کلو چھالیہ، چونا اور دیگر سامان برآمد کر لیا گیا۔
گرفتار ملزمان کی شناخت سفیر اور وقاص کے ناموں سے ہوئی ہے۔ پولیس کا کہنا ہے کہ ملزمان گھر کی آڑ میں گٹکا/ماوا تیار کر کے شہر بھر میں بیچنے اور سپلائی کرنے کا کاروبار کرتے تھے۔
ملزمان کے خلاف مقدمہ درج کر لیا گیا ہے، اور ان کا سابقہ کریمنل ریکارڈ معلوم کیا جا رہا ہے۔