ڈسٹرکٹ سینٹرل نیو کراچی انڈسٹریل ایریا میں پولیس اور ڈاکوؤں کے درمیان فائرنگ کا تبادلہ ہوا جس میں دو ڈاکوؤں کو بغیر کسی زخم کے گرفتار کر لیا گیا، جبکہ ایک ملزم موقع سے فرار ہوگیا۔ ایس ایس پی ڈسٹرکٹ سینٹرل ذیشان شفیق صدیقی کے مطابق، مقابلہ مین روڈ صدیق آباد قبرستان، سیکٹر 6B نیو کراچی کے قریب پیش آیا۔
گیس کی قیمتوں میں 54 فیصد تک اضافے کا خدشہ
گرفتار ہونے والے ملزمان کی شناخت عامر ولد صابر حسین اور عطاء ولد بدرالدین کے نام سے ہوئی ہے جبکہ فرار ہونے والے ملزم کی شناخت ہمایوں ولد اسلام الدین کے طور پر کی گئی ہے۔
پولیس نے گرفتار ملزمان کے قبضے سے 30 بور پسٹل، 9mm پسٹل دونوں لوڈڈ میگزین کے ساتھ اور ایک سفید رنگ کی مسروقہ ہنڈا سوک برآمد کر لی۔ مذکورہ گاڑی شاہراہ فیصل تھانے کی حدود سے چوری کی گئی تھی جس کا مقدمہ الزام نمبر 979/2024 جرم دفعہ 381-A کے تحت درج ہے۔
پولیس نے گرفتار ملزمان کو تھانے منتقل کر دیا ہے اور مزید قانونی کارروائی جاری ہے۔ ترجمان ایس ایس پی ڈسٹرکٹ سینٹرل (ذیشان شفیق صدیقی) کے مطابق، ضابطے کی تمام کارروائیاں مکمل کی جا رہی ہیں۔
