کراچی (15 اکتوبر) – پاکستان نیول اکیڈمی کے کیڈٹس نے برازیل کے شہر ریو ڈی جنیرو میں منعقدہ 79ویں بین الاقوامی نیول اکیڈمی سیلنگ چیمپئن شپ میں شاندار کارکردگی کا مظاہرہ کرتے ہوئے سلور میڈل اور مجموعی طور پر دوسری پوزیشن حاصل کی۔ جے24 بوٹ کیٹیگری میں ہونے والے اس مقابلے میں دنیا بھر سے نو ممالک کی ٹیموں نے شرکت کی۔
کراچی ڈویلپمنٹ اتھارٹی کے 1197ویں اجلاس میں 2024-25 بجٹ پر مزید غور، حتمی فیصلہ آئندہ اجلاس تک مؤخر
مقابلے میں شریک ٹیموں میں پاکستان کے علاوہ برازیل، چین، اٹلی، پرتگال، ارجنٹائن، کولمبیا، پیرو اور انڈیا کی نیول اکیڈمیز کے کیڈٹس شامل تھے۔ پاکستان نیول اکیڈمی کی ٹیم کے کپتان نے اس کامیابی کو اکیڈمی کی اعلیٰ تربیت اور معیار کا نتیجہ قرار دیا۔
یہ تین ماہ کے دوران دوسری بار ہے کہ پاکستان نیول اکیڈمی کے کیڈٹس نے بین الاقوامی سطح پر شاندار کامیابی حاصل کی ہے۔ اس سے قبل اگست میں سری لنکا میں ہونے والی انٹرنیشنل سیلنگ چیمپئن شپ میں انہوں نے پہلی پوزیشن حاصل کی تھی۔
چیف آف دی نیول اسٹاف نے فاتح ٹیم کو مبارکباد دیتے ہوئے اکیڈمی کی فیکلٹی اور انسٹرکٹرز کی محنت کو بھی سراہا، جن کی کاوشوں کی بدولت کیڈٹس مسلسل بین الاقوامی سطح پر نمایاں کامیابیاں حاصل کر رہے ہیں۔