کراچی (اسٹاف رپورٹر) – ماڑی پور ٹرک اڈا کے گیٹ نمبر 6 کے پاس واقع گودام میں لگی آگ کے بعد کراچی واٹر کارپوریشن کی جانب سے فائر بریگیڈ اور ریسکیو 1122 کو مسلسل پانی کی فراہمی جاری ہے۔ ترجمان واٹر کارپوریشن کے مطابق، سی ای او واٹر کارپوریشن کی خصوصی ہدایت پر امدادی ٹیموں کو فوری طور پر پانی فراہم کیا جا رہا ہے تاکہ آگ بجھانے کی کارروائی میں کسی قسم کی رکاوٹ پیش نہ آئے۔
کراچی: جوہر آباد پولیس کا نارکوٹکس ڈیلرز کے خلاف کامیاب کریک ڈاؤن
اب تک واٹر کارپوریشن کی جانب سے 1 لاکھ 55 ہزار گیلن پانی فراہم کیا جا چکا ہے، جس میں کرش پلانٹ ہائیڈرنٹ سے 1 لاکھ 2 ہزار گیلن اور سخی حسن ہائیڈرنٹ سے 53 ہزار گیلن پانی شامل ہے۔
ترجمان کے مطابق، انچارج ہائیڈرنٹس سیل الٰہی بخش بھٹو فائر بریگیڈ اور ریسکیو 1122 کے حکام سے مسلسل رابطے میں ہیں، جبکہ فوکل پرسن سی ای او برائے ہائیڈرنٹس سیل شہباز بشیر خود اس آپریشن کی نگرانی کر رہے ہیں۔ مزید یہ کہ آگ پر مکمل قابو پانے تک پانی کے ٹینکرز کی مسلسل فراہمی جاری رکھی جائے گی۔
ریسکیو اور فائر بریگیڈ ٹیمیں بھرپور کوششوں کے ساتھ آگ بجھانے میں مصروف ہیں تاکہ کسی جانی نقصان کا اندیشہ نہ رہے اور جلد از جلد حالات کو قابو میں لایا جا سکے۔