تشکر نیوز: ایس ایس پی ڈسٹرکٹ سینٹرل ذیشان شفیق صدیقی کی ہدایت پر عزیز آباد پولیس نے ماوا گٹکا فروشوں کے خلاف انٹیلیجنس بیسڈ کریک ڈاؤن کرتے ہوئے ایک بڑا کامیاب آپریشن کیا۔
تیسرا آف شور پیٹرول ویسل پی این ایس حنین کی کراچی آمد، پاک بحریہ کی صلاحیت میں اضافہ
پولیس نے عیسیٰ گوٹھ، کچی آبادی، بلاک 07، فیڈرل بی ایریا میں قائم ایک کارخانے پر چھاپہ مار کر 3 ملزمان کو گرفتار کیا، جو مضر صحت گٹکا ماوا تیار کر رہے تھے۔ گرفتار ملزمان کی شناخت محمد سلمان ولد جمعہ خان، اسلم ولد محمد حسین، اور رفیق عرف خاندانی ولد محمد زبیر کے ناموں سے ہوئی۔
پولیس نے موقع پر سے 230 تیار شدہ مضر صحت گٹکا ماوا کی پڑیاں، 15 کلو کھلا گٹکا ماوا، دو ٹپ، اور نقد رقم 500 روپے برآمد کر لی۔ مزید برآں، رفیق سے ایک موبائل فون بھی برآمد ہوا ہے۔
گرفتار ملزمان کے خلاف مقدمہ نمبر 476/2024 بجرم دفعہ 3/4/5/6/8 گٹکا ماوا ایکٹ کے تحت درج کر لیا گیا ہے اور تفتیش کا عمل جاری ہے۔ پولیس گرفتار ملزمان کا سابقہ کرمنل ریکارڈ بھی چیک کر رہی ہے۔