تشکر نیوز: پاکستان رینجرز (سندھ) اور پولیس نے کراچی کے تیسر ٹاؤن روزی موڑ سرجانی میں مشترکہ آپریشن کے دوران دو ملزمان حسن اور روح اللہ کو گرفتار کر لیا۔ یہ کارروائی انٹیلی جنس معلومات کی بنیاد پر کی گئی۔
اقلیتوں کے حقوق اور ان کی آزادی آئین اور اسلام کے مطابق مقدس ہے، آئی ایس پی آر
ملزمان کے قبضے سے ایک 30 بور پسٹل، 6 موبائل فونز، اور ایک موٹر سائیکل برآمد ہوئی۔ ابتدائی تفتیش کے دوران، ملزمان نے سرجانی ٹاؤن، نیو کراچی، اور نارتھ ناظم آباد کے مختلف علاقوں میں ڈکیتی اور اسٹریٹ کرائم کی متعدد وارداتوں میں ملوث ہونے کا اعتراف کیا ہے۔
ملزمان عادی مجرم ہیں اور ان کے خلاف مختلف تھانوں میں متعدد ایف آئی آرز درج ہیں۔ انہیں اسلحہ، ایمونیشن اور مسروقہ سامان کے ساتھ مزید قانونی کارروائی کے لیے پولیس کے حوالے کر دیا گیا ہے۔