غیر ملکی میڈیا کی رپورٹ کے مطابق، مسعود پزشکیان نے ایران کی مجلس شوری اسلامی میں حلف برداری کی تقریب کے دوران اپنے عہدے کا حلف لیا۔ اس تقریب میں ایران کے چیف جسٹس نے حلف لیا۔
پشین میں لیویز چیک پوسٹ پر شرپسندوں کے حملے میں 2 لیویز اہلکار شہید
پاکستان کے نائب وزیر اعظم اور وزیر خارجہ، اسحٰق ڈار، نے اپنے وفد کے ہمراہ اس حلف برداری کی تقریب میں شرکت کی۔
ایرانی میڈیا کے مطابق، اس تقریب میں 88 ممالک کے وفود نے شرکت کی۔
پہلی بار اپنے خطاب میں ایرانی صدر نے عالمی برادری سے کہا کہ وہ خطے کے چیلنجز کو حل کرنے میں ایران کی مدد کرے۔ انہوں نے کہا کہ دنیا کو علاقائی اور عالمی مسائل کے حل کے منفرد موقع سے فائدہ اٹھانا چاہیے اور ایران کی طاقتور، امن پسند اور باوقار شرکت سے ان مسائل کا حل ممکن ہے۔
انہوں نے فلسطین کی اسرائیل کے تسلط سے آزادی پر بھی زور دیا۔
یہ بات قابل ذکر ہے کہ مسعود پزشکیان نے ایرانی صدر ابراہیم رئیسی کے ہیلی کاپٹر حادثے میں جاں بحق ہونے کے بعد ہونے والے عام انتخابات کے دوسرے مرحلے میں 5 جولائی کو قدامت پسند رہنما سعید جلیل کو شکست دی تھی اور ایک کروڑ 60 لاکھ سے زائد ووٹ حاصل کیے تھے۔
