وفاقی حکومت نے عالمی مالیاتی ادارے (آئی ایم ایف) کی شرائط پر عمل درآمد کرتے ہوئے تاجروں کو ٹیکس نیٹ میں لانے کی نظرثانی شدہ اسکیم جاری کردی جبکہ عدم ادائیگی پر دکانیں سیل کرنے کا فیصلہ کیا گیا ہے۔
اسلام آباد: تعلیمی ادارے سے 30 کروڑ بھتہ طلب کرنے والے ملزمان کو 16 سال قید کی سزا
ایف بی آر نے تاجر دوست اسپیشل پروسیجر 2024 میں ترامیم کا نوٹیفکیشن جاری کر دیا، جس کا اطلاق ٹیکس سال 2025 سے ہوگا، اسکیم کو 6 سے بڑھاکر 42 شہروں تک توسیع دے دی گئی ہے۔
نوٹی فکیشن کے مطابق ماہانہ ایڈوانس انکم ٹیکس 100 سے 20 ہزار روپے تک ہوگا، ماہانہ ایڈوانس انکم ٹیکس کی پہلی وصولی 31 جولائی 2024 سے ہوگی۔
اسکیم کا اطلاق چھوٹے تاجروں، دکانداروں، ہول سیلرز اور ریٹیلرز پر ہوگا جبکہ مینوفیکچررز کم ریٹیلرز، امپورٹرز کم ریٹیلرز پر بھی اسکیم کا اطلاق ہوگا۔
موبائل ایپ یا ایف بی آر کے ویب پورٹل پر رجسٹریشن کرائی جاسکے گی۔
واضح رہے کہ یکم مئی سے آئی ایم ایف کی شرائط پر ٹیکس نیٹ بڑھانے کے مشن کے تحت تقریبا 31 لاکھ ریٹیلرز کو نیٹ میں لانےکے لیے تاجر دوست اسکیم شروع کی گئی تھی۔