کمشنر کراچی کی ہدایت پر مچھی میانی کے علاقے میں تجاوزات کے خلاف بڑے پیمانے پر آپریشن کیا گیا۔ کارروائی اسسٹنٹ کمشنر آرام باغ حاظم بھنگوار کی نگرانی میں انجام دی گئی۔
سرکاری حج اسکیم پر 139 ارب روپے خرچ
6 افراد گرفتار، 8 ٹرک سامان ضبط
اسسٹنٹ کمشنر کے مطابق آپریشن کے دوران سرکاری زمین اور مرکزی شاہراہ پر قائم غیر قانونی تجاوزات ہٹا دی گئیں۔ کارروائی کے دوران تجاوزات میں استعمال ہونے والا سامان ضبط کرکے 8 ٹرکوں میں منتقل کیا گیا۔
انہوں نے بتایا کہ آپریشن کے دوران 6 افراد کو بھی گرفتار کیا گیا۔
شہریوں کی آمدورفت میں رکاوٹ
حاظم بھنگوار نے کہا کہ تجاوزات عوامی گزرگاہ اور مین روڈ پر قائم تھیں، جس سے شہریوں کی آمدورفت متاثر ہو رہی تھی۔ اس لیے قانون کے مطابق کارروائی عمل میں لائی گئی۔
تجاوزات کے خلاف کارروائیاں جاری رہیں گی
اسسٹنٹ کمشنر نے واضح کیا کہ تجاوزات کے خلاف بلاامتیاز آپریشن جاری رہے گا۔ قانون کی خلاف ورزی کرنے والوں کے خلاف مزید کارروائی بھی کی جائے گی۔
انہوں نے دکانداروں کو ہدایت کی کہ وہ اپنی مقررہ حدود کے اندر کاروبار کریں اور فٹ پاتھوں یا سرکاری اراضی پر قبضے سے گریز کریں۔
عوامی مقامات کھلے رکھنے کا عزم
حاظم بھنگوار کا کہنا تھا کہ آرام باغ کو تجاوزات سے پاک بنانے کا مشن جاری رہے گا۔ شہریوں کی سہولت کے لیے سڑکوں اور عوامی مقامات کو ہر صورت کھلا رکھا جائے گا۔
