میئر کراچی بیرسٹر مرتضیٰ وہاب نے چین کے سبکدوش ہونے والے قونصل جنرل یانگ یون ڈونگ سے الوداعی ملاقات کی۔ ملاقات بلدیہ عظمیٰ کراچی کے دفتر میں ہوئی۔
مومنہ اقبال ہراسگی کیس، ایم پی اے پر مقدمہ
میئر کراچی نے چینی قونصل جنرل کا خیرمقدم کیا۔ انہوں نے پاکستان اور چین کے درمیان دیرینہ تعلقات کو مثالی قرار دیا۔
پاک چین دوستی مزید مضبوط بنانے کے عزم کا اظہار
بیرسٹر مرتضیٰ وہاب نے کہا کہ پاک چین دوستی لازوال اور مضبوط ہے۔ دونوں ممالک کے درمیان برادرانہ تعلقات کو مزید مستحکم بنایا جائے گا۔
انہوں نے کہا کہ چینی قونصل جنرل کی خدمات قابلِ قدر ہیں۔ پاکستان، بالخصوص کراچی، سے ان کی وابستگی کو ہمیشہ یاد رکھا جائے گا۔
کراچی کی ترقی میں چین کے کردار کو سراہا گیا
میئر کراچی نے کہا کہ شہر کی ترقی اور شہری سہولیات کی بہتری میں چین کا کردار اہم رہا ہے۔ مختلف شعبوں میں دوطرفہ تعاون کے مثبت نتائج سامنے آئے ہیں۔
انہوں نے کہا کہ گزشتہ دس برسوں کے دوران کراچی میں امن و امان کی صورتحال بہتر ہوئی ہے۔ اس بہتری کے باعث سرمایہ کاری کے نئے مواقع پیدا ہوئے ہیں۔
کراچی کی محبت ہمیشہ یاد رہے گی، چینی قونصل جنرل
اس موقع پر چینی قونصل جنرل یانگ یون ڈونگ نے کراچی میں قیام کے دوران ملنے والی محبت پر اظہارِ تشکر کیا۔
انہوں نے کہا کہ کراچی روشنیوں، محبت اور مہمان نوازی کا شہر ہے۔ یہاں کے لوگوں کی محبت اور خلوص ہمیشہ یاد رہے گا۔
