کراچی میں سندھ حکومت نے بیرسٹر غلام شبیر شاہ کو پراسیکیوٹر جنرل سندھ تعینات کر دیا ہے۔ اس حوالے سے محکمہ قانون سندھ نے باقاعدہ نوٹیفکیشن بھی جاری کر دیا ہے۔
ایس ایس پی ملیر کا محرم سیکیورٹی اجلاس منعقد
نوٹیفکیشن کے مطابق بیرسٹر غلام شبیر شاہ کو صوبے کے اعلیٰ قانونی عہدے پر تعینات کیا گیا ہے، جو قانونی امور اور سرکاری مقدمات کی نگرانی کے ذمہ دار ہوں گے۔
واضح رہے کہ بیرسٹر غلام شبیر شاہ صوبائی وزیر بلدیات سندھ ناصر حسین شاہ کے صاحبزادے ہیں۔
یہ عہدہ اس وقت خالی ہوا تھا جب سابق پراسیکیوٹر جنرل فیض شاہ کو سندھ ہائیکورٹ کا جج تعینات کیا گیا، جس کے بعد ایڈیشنل پراسیکیوٹر جنرل منتظر مہدی قائم مقام پراسیکیوٹر جنرل کے طور پر خدمات انجام دے رہے تھے۔
