ایران کے چیف مذاکرات کار اور پارلیمنٹ کے اسپیکر محمد باقر قالیباف نے کہا ہے کہ دشمن منظم میڈیا پروپیگنڈے کے ذریعے ایران پر دباؤ ڈالنے کی کوشش کر رہا ہے تاکہ اسے ہتھیار ڈالنے پر مجبور کیا جا سکے۔
خیبر و کرک میں سی ٹی ڈی کے بڑے انٹیلی جنس آپریشنز، 21 دہشتگرد ہلاک، متعدد گرفتار
اپنے بیان میں محمد باقر قالیباف نے کہا کہ اس مہم کا مقصد بحری ناکا بندی اور اقتصادی دباؤ کے ذریعے ایران کو اندرونی طور پر کمزور کرنا ہے۔ ان کے مطابق اس حکمت عملی کے ذریعے ایران کی مزاحمتی صلاحیت کو متاثر کرنے کی کوشش کی جا رہی ہے۔
انہوں نے کہا کہ ایرانی قوم تاریخ کے اس حساس مرحلے میں دشمن کے عزائم کو بخوبی سمجھتی ہے اور اس کے خلاف ڈٹ کر کھڑی رہنے کی مکمل صلاحیت رکھتی ہے۔
قالیباف کے مطابق ایران کسی بھی بیرونی دباؤ یا پروپیگنڈے سے مرعوب نہیں ہوگا اور قومی مفادات کے تحفظ کے لیے اپنا مؤقف مضبوطی سے جاری رکھے گا۔
